Aizawl FC U17 an chak zawn

AIFF Youth League-ah nimin khan Aizawl FC U17 chuan Football 4 Change Academy chu 3-2 in an hneh. Mizo club tan hian H. Lalruatfela'n hattrick a siam.

Football 4 Change Academy hian match hmasa pahnihah hnehna an chang tawh a, Aizawl FC lakah pawh Kishor Tiwari hmangin minute 20-naah an khung hmasa. AFC tan PC Pazawna'n penalty a hlawh chhuak a, Fela Hlawndo-in minute 22-naah si phurh a sut lehnghal.

Second half-ah Rothangpuia'n penalty a hlawh chhuak a, Fela Hlawndo-in minute 57-naah hmahruaina goal a khung. Football 4 Change Academy lamin Kishor Tiware hmangin minute 89-naah si phurh an sut a, an inhnehtawk turah a ngaih theih.

Mahse, Rothangpuia freekick hlawhchhuah chu Fela Hlawndo-in injury time minute linaah mawi zetin a pet goal. Goal luh belh tawh loh mah se inkhel boruak erawh a ṭang a, Rothangpuia chu hnawhchhuah a ni.

Aizawl FC U17 hian February 2, Zirtawpni hian NorthEast United an hmachhawn leh ang.