RnR-in Mizoram team 'training kit' a sponsor

77th National Football Championship for the Santosh Trophy 2023-24 Final Rounds chu February 21 - March 9, 2024 chhung hian Yupia, Itanagar, Arunachal Pradesh-ah khelh a ni dawn.

Final round khel tur team 12 zingah coach Lalsangzuala Hmar leh manager K. Lalenghluna kaihhruai Mizoram an tling a; January 10, Nilaini aṭang khan RG Stadium-ah training an ṭan a, February 18, Pathianniah inelna neihna hmun tur panin Aizawl an chhuahsan ang.

MFA leh RnR Garments, Mission Vengthlang ten inremna an ziah tawh angin tun ṭuma Mizoram training kit hi RnR Garments-in an tumsak. RnR hian jersey, t shirt, pants leh infiammna thawmhnaw chi hrang hrang an ṭhui thei a ni.

Kumin Santosh Trophy final round hi kalphung an thlak hret a, quarterfinal a awm tawh dawn. Chumi awmzia chu group khat aṭangin team paliin knockout stage an lut dawn tihna a ni.