Zanin dar 9:00-ah Australia Vs South Korea

Asian Cup quarterfinal chu vawiin aṭangin khelh ṭan a ni dawn a, zanin dar 9:00 hian team ṭha pahnih Australia leh South Korea te an inkhel dawn. Tlai dar 5:00-ah Tajikistan leh Jordan te an inkhel bawk ang.

Asian Cup-ah hian Australia leh South Korea te hi ṭum li an intum tawh a, chung zingah chuan kum 2015-a thil thleng kha theihnghilh theih a ni lo ang. Group stage-ah South Korea-in Australia an hneh a, final-ah Socceroos hian hnehna an chang thung.

South Korea tan Paris Saint-Germain winger Lee Kang-in-a'n goal thum a khung tawh a, Tottenham Hotspur star Son Heung-min-a'n goal hnih a khung tawh. Son hi hun pawimawhah a tawnhriat a pawimawh dawn.

Australia lamah Scottish club Hibernian forward Martin Boyle leh German club FC St. Pauli midfielder Jackson Irvine ten goal hnih ve ve an khung tawh a, South Korea tan ven uluk an ṭul ang.