AFC U17 khingpui tur NE United

Aizawl FC Under 17 chuan vawiin tlai dar 2:00 hian AIFF Under 17 Youth League-ah NorthEast United an hmachhawn dawn. Head coach Victor Lalbiakmawia leh coach Benjamin Zothanmawia kaihhruai Aizawl FC U17 hian match hmasa pahnihah Harisinga Town Club leh Football 4 Change Academy te an hneh tawh.

Nimin khan Shillong aṭangin Guwahati an pan a, vawiin hian IGAS Practice Pitch-ah an inkhel lehnghal dawn. Aizawl FC hian hrem vangin Rothangpuia an chhawr thei dawn lo a, MPL10-a Mizoram Police laka goal ropui pahnih khung thei Fela Hlawndo chu an innghahna tur a ni ang.