Dortmund-ah Sancho a hlim

Borussia Dortmund-ah Jadon Sancho a hlim a, Manchester United aṭanga a kir hnuah Dortmund hian Bundesliga match thum khel leh tawhin an la chak vek. Zanin dar 1:00 hian Dortmund hian Heidenheim an tlawh ang.

Sancho hi match hnuhnung pathumah a inlan vek a, chutihrualin Heidenheim lakah erawh inhliam vangin a dinhmun a chiang lo. English winger hian a ti hrawla hliam a neih chhan hi Dortmund manager Edin Terzic chuan Man United-in hun rei tak an dah hran vangah a puh.

Erik Ten Hag-a'n Sancho na taka a hrem laiin Marcus Rashford erawh pawisa chawia ngaihdam a ni thung. Hemi chunchang hi Dutch manager Ten Hag chuan, "Engkim mipui hriat loa chinfel theih a nih laiin, Sancho chuan mipui hriatah a tlangzarh," tiin a sawifiah a ni.