Durant awmna Suns an chak

Kevin Durant-a point 33 neih hmangin Phoenix Suns chuan Brooklyn Nets lakah 136-120 in hnehna an chang a, inkhelah hian Durant chu sawi hlawh ber a ni - season hmasa lama a chet dan avangin thil mak a ni hran lo.

NBA champion vawi hnih ni tawh Durant hian season hmasa khan Nets aṭangin Suns lama insawn a dil a, a dil ang ngeiin a insawn - Nets lamin an player hi ṭha takin an dawngsawng a, mahse thawkkhat lai chuan lo au el tawk an awm ve bawk.

Barclays Center, New York-a inkhelah Durant hian point a neih tam bakah assist vawi riat a nei a, rebound vawi nga lain block vawi hnih a neih laite chuan Suns ṭantute thawm a ṭha hle.

Kum thum chuang hun a hman tawhna Nets chhuahsanin Durant hian nikum January thla khan Nets hi a zawm, inkhelh bakah a ṭhian hluite leh coach Jacque Vaughn te nen boruak ṭha tak an nei zui a, ani pawhin a ṭhiante chuan a rilru an la luah reng thu a sawi a ni.

Suns hian a zawna Nets vawi thum chak tur an tihtawpsak a, tunah chuan Western Conference table-ah parukna an ni. Nets erawh Eastern Conference table lamah 11-na dinhmun luahtu an ni thung.