Jamshedpur chak zo lo

Coach atan Khalid Jamil an lakluh hnua an league match hmasa berah Jamshedpur FC an chak zo lo a, NorthEast United nen 1-1 in an inhnehtawk.

Men of Steel khelmuala inkhelah Jamshedpur tan Imran Khan chuan a club hlui Highlander lakah goal hmahruai a khung a, minute 33-na a ni. Mahse, Highlander hian chawlhlawk hman a nih hnuah si phurh an sut ve leh a, Morocco international hlui Mohammed Ali Bemammer chuan minute 66-naah si phurh hi a sut.

Jamshedpur lamah Ricky Lallawmawma leh PC Laldinpuia te awm mah se, bench lamah hun an hmang tluan a, JFC hmachhawntu NorthEast United squad-ah Mizo an tel lo.

Zaninah Mizo player tamna Odisha FC an inlan dawn a, zan dar 7:30-ah Kerala Blasters an mikhual ang. Nizan khan Hyderabad leh FC Goa inkhelin an result kan hre hman lo thung.