Chelsea an insiamṭha thei ang em?

Liverpool lakah Chelsea an mualpho a, Mauricio Pochettino-a'n Wolverhampton Wanderers a hmachhawn hmain ni hnih insiamṭhatna hun a nei. Blues hian February 4, Pathianni zan dar 7:30-ah Wolves an mikhual dawn.

London club hian January transfer-ah loan hmangin Armando Broja an chhuahtir a, a thlakna tur player an la lo. Broja awm loh takah chuan Christopher Nkunku a dam ṭhat a ṭul dawn a, French forward hian Liverpool lakah goal a khung avangin inrintawkna a nei ang.

Mahse, inhliam damkawr Nkunku hi minute 90 chhung khel thei tura ngaih theih a ni lo. Blues tana chanchin lawmawm erawh Nicolas Jackson a rawn kir thei tawh ang.

Chelsea khingpui tur Wolves hian Man United lakah goal thum an khung thei a, Liverpool laka goal li chhuahtu Poch-a hoten tlarhnung an remphui ṭhat a ṭul dawn.