I League match khelh hun an sawn

Nimin khan I League-ah Gokulam Kerala leh Delhi FC te chu inkhel tur an ni a, khaw awm dan chu inkhel turte tana a him loh avangin inkhelh hun an sawn.

Rajasthan United leh Namdhari FC te inkhel pawh ruahsur nasat vangin inkhelh hun an sawn. Manipur derby-a Neroca leh Trau te inkhel tur pawh an ram buai vangin an sawn bawk.

Zanin dar 7:00 hian Shillong Lajong leh Inter Kashi te an inkhel ang a. February 4, Pathianniah Churchill Brothers leh Sreenidi Deccan (4:30 pm) bakah Mohammedan SC leh Real Kashmir (7:00 pm) te an inkhel bawk ang.

Aizawl FC hi tun round-ah an awl a; February 10, Inrinni hian hmahruaitu Mohammedan SC an mikhual dawn. Mizo club hian coach thar Stojkoski Bobi hnuaiah ngawrh takin RG Stadium-ah training an nei a ni.