Leverkusen vs Bayern atana inpuahchahna

Bundesliga-ah Bayer Leverkusen-in hma an hruai mek a, Bayern Munich-in point hnih chauhin an pha tawh lo. Xabi Alonso vangin Leverkusen ṭantu an pung a, Bayern hi Harry Kane vangin an ngaihven nasa bawk. Leverkusen leh Bayern hi February 10, Inrinni zan dar 11:00-ah an inkhel dawn.

Bundesliga final tihiala chhal theih inkhel atana inpuahchahna hnuhnung tur chu tun kartawpa inkhel hi a ni. Zanin dar 8:00 hian Bayern Munich-in Borussia M'gladbach an mikhual dawn a, Bayer Leverkusen-in zanin dar 11:00-ah Darmstadt an tlawh dawn. Team pahnih hi chak ve ve tura ngaih ni mah se tun hnaiah point an hloh ve ve tih hriat a ṭha.

Gladbach hian an match hnuhnung berah Leverkusen an chelh a, zaninah Bayern chelh leh an tum dawn. Kum 30 mi Harry Kane-a'n league match 19-ah goal 23 a khung tawh a, England captain hian nomawi bakah Robert Lewandowski record khum a tum ang. Alonso erawh Bundesliga-a rilru zawng zawng pek hun lai takin Jurgen Klopp-a'n season tawpa a chhuah tur thu a puang a, Spanish coach hi a club hmangaih Liverpool nen sawizawm a ni nghal. Media thuvawrh darhin Alonso hi a tibuai em, tih chu zaninah a hriat ang.