Suzuka-ah Japanese GP chhunzawm dawn

Formula 1 Japanese Grand Prix chu kum 2029 thleng Suzuka tlankawngah tlan chhunzawm zel a ni dawn, kum nga chhung atan inremna ziah thar a ni.

Japan ramah hian hlawhtling takin F1 an tlan ṭhin, tun hnai khan Japan rama khawpui pakhat Osaka chuan car intlansiakna hi thlen ve an beisei a, thawm pawh a ring hman. Mahse, Suzuka City lamah an nei zui ang.

F1 president Stefano Domenicali chuan, "Suzuka hi chu hmun hlu danglam tak a ni a, kan tan chuan khaw dang hawi theih a ni lo. Kum 2029 thleng atan inremna kan nei thei hi a lawmawm," a ti.

Season dangah chuan Japanese GP hi favang laia tlan ṭhin a ni, kuminah chuan a hun tih danglam niin April thlaah an tlan ang.