Anthony Gordon a inhliam

Newcastle United-in Luton Town nen an inkhelah beisei ang result an hlawh chhuak thei lo a, an lawm lohna belhchhah turin forward Anthony Gordon chu hliam vangin lakchhuah a ngai.

Magpies boss Eddie Howe chuan, "A ke rekah hliam a nei a, enkawl nghal a ni," tiin a player dinhmun a sawi a, engtia rei nge a chawlh dawn he thu buatsaih a nih lai hian sawi a ni lo.

Newcastle hian tun season-ah an player pawimawhte hliam vangin an chhawr thei lo ṭhin a, midfielder Joelinton chu a malpui hliam vangin season tawp thleng a khel dawn lo chiang a, goalkeeper Nick Pope chu a dar hliam vangin a chawl mek bawk.

Anni bakah hian Matt Targett, Elliot Anderson, Joe Willock leh Jamaal Lascelles te chu Magpies player hliam vanga chawl dang an ni a, coach Howe-a'n season hmasa an phak loh chhanah chhuanlam tur a nei.