Ajax tan Hendo a khel

Liverpool captain hlui Jordan Henderson chuan Inrinni zan khan Ajax tana a match hmasa ber a khel a, league hmahruaitu PSV Eindhoven nen 1-1 in an inhnehtawk - inkhel hi England boss Gareth Southgate chuan a hmunah a en.

Tun season-a talbuai tak Ajax hian minute 19-naa Steven Berghui-a goal hmangin hma an hruai a, mahse, Luuk de Jong chuan minute 34-naah si phurh sutna goal a khung a ni.

Henderson chuan, "Kei leh ka chhungte tan chuan ni danglam bik a ni a, Ajax tana ka match hmasa ber ka khel thei hi ka lawm takzet. Johan Cruyff Arena-a inkhelh hi ka tan chuan a hlu hle a ni," a ti.

Hendo chuan, "Hmuhnawm a tih ka beisei," tiin an inkhel entu Soutgate-a'n a duh ang inkhel a hmuh a beisei thu a sawi - Hendo hian Saudi Arabia club Al Ettifaq-ah thla ruk chiah hun a hmang hman tihin a contract a titawp a, Europe-ah a kir.

Saudi-a a khelh hnuah pawh hian ram tana khel turin Southgate hian a koh chhunzawm a, Saudi a pan hnua ram tana a match hmasa ber chu October khan Australia lakah khelin, fans tam takin an au el.

Hetihlai pawh hian Southgate chuan a player hi na takin a lo chhan tawh a, Hendo hian Dutch club a zawm tur chungchangah kumina European Championship khelh tur ngaihtuah reng chungin, Southgate a biak rawn thu a lo sawi tawh bawk.