Kolkata derby-ah chak an awm lo

Inrinni zan Indian Super League-ah Kolkata derby khelh a ni a, chak zawk an awm lo - Mohun Bagan leh East Bengal chu 2-2 in an inhnehtawk a, Bagan hian minute 87-naa Dimitri Petratos goal hmangin si phurh an sut hram.

East Bengal hian minute thumna lekah Ajay Chhetri hmangin goal hmahruai an khung a, hei hi Bagan tan Armando Sadiku chuan minute 17-naah a sut - goal dang lut loin chawlhlawk hman a ni.

Second half minute 55-naah East Bengal-in penalty hlawh chhuakin, Cleiton Silva hmangin hma an hruai nawn a, mahse, Australian forward Petratos chuan khung ve lehin, 2-2 in inkhel a tawp.

Hetihlai hian Inrinni zan inkhel hmasa zawkah Punjab FC chuan 3-1 in Bengaluru FC an hneh a, Bangalore club tan Sunil Chhetri chuan minute 15-naah goal hmahruai khung mah se, Wilmar Jordán, Luka Majcen leh Madih Talal hmangin Punjab-in an chhanglet a, a tawpah 3-1 in an chak.