Inter Kashi an chak

Thlasik chawlh neih hnuah I League khelh chhunzawm a ni a, Edmund Lalrindika telna Inter Kashi-in Shillong an luhchhuah a, 1-0 in an hnehna an chang. Uttar Pradesh club Inter Kashi hian Shillong Lajong an hneh avangin match 12 aṭangin point 18 an hmu a, paruknaah an awm.

SSA Ground No. 1 (Polo Grounds)-a inkhelah foreigner-in danglamna an thlen. Minute 23-naah Julen Pérez del Pino ball vawrhluh fing chu Gianni dos Santos-a'n box chhung aṭangin mawi zetin a volley goal. Dutch forward Dos Santos hian chance ṭha nei tur hian box chhungah a tlan lut ṭha hle.