World Cup final khelhna tur MetLife Stadium

2026 FIFA World Cup final khelhan tur chu MetLife Stadium, New Jersey a ni a, stadium hi American football club New York Giants leh New York Jets ten home match khelh nan an hmang. Entu 82,500 an leng a, 1994 World Cup khelh nan pawh khan hman a ni.

Final hi July 19, 2026-ah khelh a ni dawn a, opening match hi June 11, 2024-ah Azteca Stadium, Mexico City-ah khelh a ni thung ang. World Cup 2026 hi ram pathum USA, Canada leh Mexico ten an inthlen ṭawm dawn a, a vawi khat nan team 48 an tel dawn.

Inelna hian ni 39 a awh dawn. Opening match thlengtu tur Mexico hian kum 1970 leh 1986 khan inelna hi an lo thleng tawh a, United States pawhin kum 1995 khan an thleng tawh bawk.

Canada tan erawh an vawi khat thlenna tur a ni a, an rama World Cup match hmasa ber chu June 12-ah Toronto-ah an khel dawn. United States-ah pawh June 12-ah tho World Cup match hmasa ber an khel dawn a, So-Fi Stadium, Los Angeles-ah khelh a ni ang.

Opening match khelhna tur Azteca stadium hi Argentina striker Diego Maradona-a'n 1986 World Cup-a England laka 'hand of god' leh 'goal of the century' a khungna kha a ni a, entu 83,000 an leng.