Youth League-ah Aizawl FC U17 tan chak a ṭul

AIFF Under 17 Youth League-ah Aizawl FC-in an match hmasa pathum aṭanga point sarih an hmuh hnuin an match linaah Shillong Lajong 1-0 in an hneh lo. Victor Lalbiakmawia hote hian vawiin tlai dar 2:00 hian Harisinga Town Club, Udalguri an hmachawn ang.

Mizo club awmna group-ah hian team pali an awm a, vawi hnih ṭheuh an inkhel dawn. Aizawl FC hian Harisinga Town Club hi an hmachhawn hmasak ṭumin 4-2 in an hneh. Lajong lakah chak lo mah se Mizo club hian match li khelh aṭanga point sarih hmuin an group-ah hmahruaitu an la ni a, pahnihnaa awm Football 4 Change Academy nen an point hmuh zat a inang.