Bayer Leverkusen-in nomawi an beisei

Xabi Alonso kaihhruai Bayer Leverkusen-in DFB Pokal-ah quaterfinal an thleng tawh a, zanin dar 1:15 hian VfB Stuttgart an hmachhawn dawn. Bundesliga hmahruaitu Leverkusen hian German Cup-ah nomawi beiseina sang tak an nei a, champion rinkai ber tia chhal theih an ni.

DFB Pokal-ah hian club lian Bayern Munich, Borussia Dortmund leh RB Leipzig te an tla fel tawh a, Alonso leh a hote tan champion-na hun ṭha a ni. Leverkusen hian tun season inelna hrang hrangah match 29 khel tawhin vawi 25 an chak a, vawi li an khingpuite nena inhnehtawkin chak loh an la nei lo.

Alonso hote hian goal 87 zet an khung tawh a, goal 20 chauh an la chhuah bawk. Leverkusen tan DFB Pokal nomawi chawi theih a pawimawh a, chutihrualin kartawpa Bayern Munich nen league match-a an inkhel tur hian an rilru a kap ngei a rinawm.