Mizoramin chawimawina dawng

37th National Sub- Junior Kyorugi & 12th National Sub-Junior Poomsae Championship khelh zawh takah Mizoram team chuan 'Female Best Fighting Spirit Team Trophy' an dawng.

Raipur, Chhattisgarh-a inelna neihah Mizoram hian poomsae-ah individual, pair leh female team-ah inelna hmachhawnin bronze medal pahnih an hlawh chhuak a ni. Kyorugi inelnaah mi paruk khelin quarterfinal thleng mi pathum an awm bawk.

Mizoram team hi coach Lalthlamuanpuia, Venghlui leh manager Lalsangzuali, Tuikual North ten an hruai a. Referee turin National Referee Robert Laltluankima, New Serchhip leh Lalhmangaihthangi, Armed Veng te an kal bawk. Vawiin hian Mizoram team hian Aizawl an lo thleng ang.