Odisha an chak chiang

ISL champion tum Odisha chuan 3-0 in Hyderabad an sawp a, league table chung ber an luah zui - Odisha tan Diego Mauricio chuan goal hnih khungin, Roy Krishna chuan goal khat a thawh ve bawk.

Season duhawm tak hmangtu Isak Vanlalruatfela chu dan pangngai angin a hmuhnawm lehpek a, goal hmaa a vanneih zan erawh a ni lo - hetihrual hian Krishna goal khung tur erawh a siamsak thung.

Odisha tan Isaka bakah K. Lalṭhathanga (Puitea) chuan inkhel bul a ṭan a, Jerry Mawihmingthanga chu bench aṭanga luhtir a ni bawk. Hyderabad lamah Mark Zothanpuia, Lalchhanhima Sailo leh Ramhlunchhunga ten bul an ṭan a, bench aṭangin Aron Vanlalrinchhana luhtir a ni.

Nizan ISL-ah inkhel a awm lo a, zanin dar 7:30-ah Bengaluru leh Chennaiyin an inkhel dawn thung.