Santosh Trophy Thlirlawkna : Mizoram hmachhawn hmasak ber tur Maharashtra

77th National Football Championship for the Santosh Trophy 2023-24 Final Rounds chu February 21 - March 9, 2024 chhung hian Yupia, Itanagar, Arunachal Pradesh-ah khelh a ni dawn. Mizoram hi February 22, Ningani zanah Maharashtra nen an inkhel ang.

Maharashtra hian final round lut turin harsatna an tawk lo a, an group-a awm Telangana (3-0) , Lakshadweep (4-0), Tripura, Andaman and Nicobar (8-0) leh Andhra Pradesh (6-0) te chu an sawp vek. Captain Nikhil Kadam-a'n goal thum a khung a, ani hi Pune FC, Mohun Bagan, NorthEast United leh Mohammedan tan tea lo khel tawh a ni.

Maharashtra striker Himanshu Patil-a'n goal ruk khungin match tinah goal a khung vek. Midfielder Advait pawhin match tinah goal a khung vek a, goal sarih ngawt a khung. Air India, Mahindra United leh Churchill Brothers tana khel tawh Paresh Vijay Shivalkar enkawl Maharashtra hian match nga aṭangin goal 24 an khung a, goal khat chiah an chhuah.

Group stage an khelh dan aṭanga thlir chuan Maharashtra hi an ṭha tih a hriat theih a, Santosh Trophy-ah hian sulhnu pawh an nei chhe lo - ṭum 16 ngawt final lut tawhin vawi li an champion tawh. 2015–16 season kha final an luh hnuhnun ber a ni a, inelna hnuhnung bera Mizoramin final round an luh phak loh khan Maharashtra hian final round an lut tih hriat a ṭha bawk.