Egypt coach thar Hossam Hassan

Afcon champion hnem ber Egypt chuan an coach thar atan Hossam Hassan an lakluh thu an puang a, tun inelna neih laiah beisei ang a thlenpui loh avanga an ban tak Rui Vitoria hmun ruak a luah dawn a ni.

Egyptian Football Association (EFA) chuan an ram tana goal khung tam ber, match 176 aṭanga goal 68 khungtu Hassan bakah hian a phir pui Ibrahim Hassan chu Egypt team director atan an ruat bawk.

Africa Cup of Nations khelh laiah Pharaohs hian beisei an phak lo, champion tura rinkai ni mah se goup match bikah chak nei loin knockout stage an lut hram a, last 16-ah an zinkawng a tawp zui nghal.

An chet ṭhat loh avang hian Portuguese manager Rui Vitoria an ban. EFA chuan ram dang mi coach ṭha an melh thu an tarlang a, mahse tunah chuan anmahni ram mi ngei, player a nih laia Egypt tana tawnhriat ngah tawh tak hi an la ta zawk.

Mi ṭhenkhat chuan Hossam Hassan-a lak a ni hi an sawisel, an sawisel chhan hi a nungchang mawi lo a lantir fo ṭhin vang a ni. Player a nih laiin sawi a kai ve hat fo a, coach a nih hnuah pawh a chanchin ṭha lo lam hriat tur a awm fo.

Kum 2026 khan Al Masry a enkawl laiin thlalatu (photo-grapher) a beih avangin thu zawhfiah a lo ngai tawh, nikum mai khan Video Assistant Referee (VAR) a tihchhiat avangin pawisa chawitir a lo ni tawh bawk.

Player a nih laiin sawi kai ve fo bawk mah se a hlawhtling thei viau thung. Club lamah chuan Al Ahly leh Zamalek tan nomawi tam tak a chawi a, an ram Egypt hi Afcon champion vawi thum a nihpui - World Cup 1990 khan a khel bawk a ni.