Roma hmachawn lo tur Inzaghi

Serie A champion tum Inter Milan chuan tun kartawp hian AS Roma an hmachhawn dawn a, hrem a nih avangin Inter coach Simone Inzaghi chuan inkhel pawimawh takah hian a naute a ho thei dawn lo.

Inter hian an match hnuhnung berah Juventus chu 1-0 in an hneh. Old Lady an hneh ṭum hian Inzaghi chu yellow card pek a ni a, tun season kal laiah vawi nga ngawt yellow card a hmuhna a ni a, match khat atana a naute ho thei lo tura hrem a ni.

Italian manager Inzaghi chuan, "Inkhel boruak sang leh lian tak a ni a, khatiangah kha chuan thil tam tak a thleng ve ṭhin. Khelmual chhunga player awmte pawh ṭhenkhat laiah chuan an insum thei lo, khatiang kara hremna ka hmachhawn kha a pawi," tiin a lungawi lo hle.

Serie A season kal laiah Inter Milan hian anmahni hnaih bertu Juventus aiin point liin an hmu tam a, match khatin an khel tlem thung - tun kartawpa an khingpui tur Roma hi Daniele De Rossi hoa indinthar leh mek an ni - Inzaghi tan inlan loh hi a uiawm bakah a pawi bawk.