Murray tan buaina a la kiang lo

Tennis season an hmang ṭan mek a, world number 1 hlui Andy Murray tan chuan lawmna tur lam a la awm meuh lo - Britain tlangval hi Open 13-ah inlan ve lehin a chak lo nghal.

Grand Slam vawi thum champion tawh Murray hian kuminah tournament pathum a khel tawh, mahse hneh a la nei miah lo - match hmasa berah a la tla zel tihna a ni, a tan kum ṭha a ni rih mawlh lo.

Thawhlehni zan Marseille khawpuia inkhelah Murray hian world number 66 Tomas Machac chu 7-5, 6-4 in a hneh lo. Australian Open aṭanga a tlak hnu khan Murray hian chawlh mai a tum loh thu a lo sawi tawh, chawl lo mah se chak a harsat rih hle.