Inkhel hmuhnawmah Bulls an chak

NBA inkhel inhnehtawk leh hmuhnawm takah Chicago Bulls chuan Minnesota Timberwolves lakah 129-123 in hnehna an chang, chawlhlawk an hman hnuah Coby White leh DeMar DeRozan te an hmuhnawm hle.

Team pahnih an inkhel tawk a, hun pangngaiah an inhnehtawk avangin over time khelh niin, a tawpah Bulls an vannei ta zawk. White leh DeRozan te pahnih hian point 66 ngawt an sual chhuak a, heng zinga 51 chu half time hnu lama an neih a ni.

Regular season kal laiah Bulls hi vawi 24 an chak tling ve ta chiah, Eastern Conference table-ah pakuana dinhmun an luah. Timberwolves erawh vawi 16 an chak lohna niin Western Conference lamah pathumna an ni thung.

Inkhel dangah Kyrie Irving-a point 36 neih hmangin Dallas Mavericks chuan Brooklyn Nets chu 119-107 in an hneh a, an chak theih nan hian point 35 neitu Luka Doncic leh Irving te an langsar fal hle.