Mallorca leh Sociedad inhnehtawk

Copa del Rey semifinal first leg match hmasa berah Thawhlehni zan khan Real Mallorca chuan Real Sociedad an mikhual a, 0-0 in an inhnehtawk.

Son Moix stadium-a inkhelah team pahnihin goal khungna chance nei ve ve mah se an chhawr thei lo - Sociedad striker Umar Sadiq vanneih zan a ni lo a, hnai set sawt aṭangin a tauh goal lo a, second half-ah goal ruakah a khung lo bawk.

Mahse, Sociedad coach Imanol Alguacil chuan, "Sadiq khan goal khung se, second leg atan kan dinhmun a ṭha dawn tih a hria. Mahse, kan tisual a nih pawhin mimal tihsual ni loin, kan zavai mawhphurhna a ni. Hei chu football a ni a, kan thlawp tlat a ṭul a ni," a ti a, a striker a sawisel duh lo.

Mallorca boss Javier Aguirre chuan, "Keini aia team ṭha zawk kan hmachhawn avangin kan result-ah ka lawm tawk," a ti a, goal an chhuah lo chu a hlim.