Mizoram aiawh tur wrestler thlang

North East Olympics Games neih tur atan Mizoram Wrestling Association (MWA) chuan vawiin khan Ramhlun Sports Complex, Wrestling Hall-ah inelna hmachhawn thei tur an thlang chhuak.

MWA hian Free Style Wrestling & Women Wrestling a tel thei tur an zawng. Heng bakah hian hmeichhia category paruka Mizoram aiawh tur thlan an ni a. Belt wrestling mipa leh hmeichhia category paruka Mizoram aiawh tur thlan an ni bawk.

MWA president Ngur-thangsanga chuan, "North East Olympic hi MWA chuan a ngai pawimawh a, ram chhunga thlengsang chho zel tur chuan North East huam chhungah kan chet ṭhat a ngai.

"Chumi tur chuan Mizoram chhunga Wrestler ṭha ber berte theihtawp chhuah turin kan inngen a ni. Mizoram tana feh chhuak tur kan nih angin theihtawp chhuah ila, lawmman Mizoram tana lo hawn vek turin theihtawp chhuah bawk ang," a ti.

Mipa
1 B. Lalawmpuia - 57kg
2 Jacob Vanlalrinliana - 61kg
3 Jony Lawmkima - 65kg
4 Lalchhanhima - 70kg
5 K. Vanhnuaithanga - 74kg
6 Lalsawipuia - 79kg
7 Remruatpuia - 85kg

Hmeichhia
1 Deborah Lalrohlui 50kg
2 Lalzahawmi 57kg
3 K. Lalhriatpuii 59kg
4 Elizabeth Rohlupuii 62kg

Belt Wrestling
1 K. Lalhriatpuii - 60kg
2 Elizabeth Rohlupuii - 65kg
3 Lalhmangaihsangi 75+kg
4 Lalhruaitluanga 60kg
5 Lalchhanhima 70kg
6 Remruatpuia 90kg