Japan-ah Messi a inkhel

Lionel Messi chuan Inter Miami tan match a khel thei ve leh ta, nimin khan Inter Miami leh J-League club Vissel Kobe te inkhelah bench aṭangin a lut.

Major League Soccer (MLS) team hi season thar inbuatsaihin an zin kual mek. Hong Kong-ah Messi inkhel en châkin mipui tam tak an pungkhawm a, a inkhelh leh si loh avangin an lungawi lo. Tokyo khawpui erawhin Messi inkhel lai an mit ngeiin an hmu.

Argentina captain Messi hian hliam tenau a nei a, minute 90 inkhel turin a la inpeih lo deuh, minute 60-naah lutin darkar chanve chhung a inkhel a, Inter Miami leh Vissel Kobe te hi goal awm lo 0-0 a inhnehtawkin, penalty-ah 4-3 in Japanese club an chak.