Ruahsur vangin inkhelh hun sawn

DFB Pokal quarter-final-ah Saarbrucken leh Borussia Monchengladbach te chu August 7, Nilaini zan khan inkhel tur an ni a, amaherawhchu ruah a sur nasat avangin inkhelh hun an sawn.

Third division club Saarbrucken hi giant killer tia sawi theih an ni a, quarterfinal thleng tur hian Bundesliga club Bayern Munich leh Eintracht Frankurt te an hneh tawh.

Stadium-a hnathawk-tuten inkhelh theih nan hnahthel chhemna hmangin mual huh hi tih ro an tum a, mahse ruah a sur reng avangin inkhelh theih a ni lo. Chutihrualin khelmuala tui tling chu player tan a hlauhawma ngah a ni bawk.

Ludwigsparkstadion, Saarbrucken-ah hian entu 16,000 an leng a, ticket an hralh zo vek. Referee Florian Badstubner chuan, "Thutlukna siam hrehawm tak a ni a, amaherawhchu inhliam a hlauhawm em avangin ṭhulh mai a ṭul. Inkhelh theih nan theihtawp kan chhuah a, kan thutlukna pawh team pahnihin an hrethiam hle," tiin a sawi.

German Cup-ah hian Bayer Leverkusen, FC Kaiserslautern leh Dusseldorf ten semifinal an lut tawh a ni.