Embiid tel lohna 76ers an buai

Philadelphia 76ers-in an player pawimawh Joel Embiid awm loh an tuar a, nimin zing khan Golden State Warriors 127-104 in an hneh lo. Golden State tan erawh nikum November thla hnua mikhual team ni chunga an chak zawn hmasak ber a ni thung.

Embiid hi NBA Most Valuable Player ni lai a ni a, match li chhung a zawnin a khel tawh lo. 76ers hi match riatah vawi sarih an chak loh avangin Embiid awm loh an tuar tih a chiang hle.

Cameroon mi Embiid hi khup zai vangin kar li dang a chawlh a ṭul dawn a, 76ers tan insiamṭhat a har khawp ang. Inkhel dangah Toronto Raptors (Charlotte Hornets 123-117), Detroit Pistons (Sacramento Kings 133-120), Miami Heat (Spurs 117-104), Boston Celtics (Hawks 125-117) leh New Orleans Pelicans (LA Clippers 117-106) ten hnehna an chang bawk.