Jabeur lakah Raducanu chak lo

Emma Raducanu chu Ons Jabeur hneh loin Abu Dhabi Open quarterfinal-ah a tla a, tun season kal laia nomawi chawi a beiseina chu a la hlawhtling thei rih lo chhunzawm zel.

Kum 21 mi Raducanu hi Abu Dhabi-ah hian duhsak takin wildcard pek a ni a, inelna tir lamah pawh a khel ṭha viau. Mahse, world number 6 Jabeur hneh tur chuan a khel ṭha tawk lo - Tunisian nula lakah hian 6-4, 6-1 in a chak lo.

Jabeur hian a match lehpekah chuan Brazilian nula Beatriz Haddad Maia a tum dawn. Grand Slam final vawi thum khel tawh Jabeur tan hna a harsa lutuk lo tura ngaih a ni.