Ponting-a'n team a enkawl dawn

Australia captain hlui Ricky Ponting chu Major League Cricket (MLC) club Washington Freedom enkawl turin an ruat a, kum hnih atan contract a ziak.

Major League Cricket hi United States-a Twenty20 cricket league a ni a, nikum aṭang khan inelna hi ṭan niin champion lai chu MI New York an ni. Kumin July aṭangin MLC season hnihna hi khelh a ni ang.

Kum 49 mi Ponting chuan, "United States-ah cricket hi a ṭhang hle," tiin a sawi. Ponting hian Indian Premier League (IPL) club Delhi Capitals a enkawl bawk a, tun hmain IPL club Mumbai Indians leh an ram Australia pawh a lo kaihruai tawh bawk.