Rilru fim put hun a ni - Jorginho

Arsenal midfielder Jorginho chuan Premier League nomawi inchuh boruak a thlir kual a, tun hi rilru fim tak nena inelna hmachhawn hun a ni tih a sawi - Pathianni zan dar 7:30-ah West Ham an lenchilh dawn a ni.

Gunners hian khelh zat inangah Liverpool chu point hnihin an phak lo mek, khelh hmabak an la ngah. Champion lai Manchester City chu hmahruai thei turin dinhmun ṭha takah an la ding bawk, inelna a ngaihnawm chho dawn hle.

Jorginho chuan, "Club chhunga mite zawng zawng hi tunah chuan kan hlim hle, a pawimawh zawk erawh chu rilru fim tak nena kan hmalam kan thlir hi a ni, kan boruak ṭha ang hi neih chhunzawm a ngai.

"West Ham hmachhawn hi a awlsam dawn lo, a bik takin anmahni khelmualah chuan a harsa zual dawn. Chuvangin tunah chuan Hammers bak kan ngaihtuah thiang lo, chumi hnuah game dang kan ngaihtuah leh ang," a ti.