Mappe chawl rih dawn?

Zanin dar 1:30 hian Paris Saint Germain chuan Ligue 1 khel turin Lille an mikhual dawn a, an forward ṭha Kylian Mbappe chu a dam chian loh avangin khelh tir rih loh an tum niin chanchinbu mite chuan an ziak.

Luis Enrique enkawl PSG hian Ligue 1-ah point riatin hma an hruai fal mek a, an nomawi kawl lai an humhim theih a rinawm. An duh ber chu Champions League a ni thung, kar leh mai hian UCL an khelh dawn avangin tun kartawpah Mbappe a hawhchawl a nih pawhin a mak lo ang.

France captain Mbappe hian PSG tan nomawi tam tak a chawi tawh a, mimal record ṭha tak tak a siam tawh bawk. Mahse, club thuenitu lamin an duh ber Champions League erawh tun thlengin a la chawipui lo.

Tun nipui bazarah hian Mbappe-a contract neih lai hi a tawp dawn, kumin January thla aṭang khan a club duh zawng a be thei tawh - tunah hian a dinhmun a la chiang lo mek. PSG tana a season hnuhnung ber a ni thut thei tawh a, a ṭha thei ang bera khar a duh ang.