Indian Wells-ah Djokovic

Novak Djokovic chuan kuminah BNP Paribas Open a khel dawn, California chhim lam thlalerah hian tun hnai kum nga chhunga a inlan lehna hmasa ber tur a ni ang.

Indian Wells-ah hian Djokovic hi vawi nga a champion tawh, mahse hliam leh hrileng vanga inkhuahkhirhna vangin a inlan thei lo rei hle. Tun ṭuma a tel thei tur hi inelna buatsaihtu lam tan chuan chanchin lawmawm a ni ngei ang.

Djokovic bakah hian vawi thum champion tawh Rafael Nadal pawh inlan tur zingah a tel. Spanish star hi Australian Open khel tur zingah pawh khan a tel a, mahse a inhnukdawk leh ta zawk - US lamah hian a kal thei ngei dawn em tih a la chiang lo.

World number 1 Djokovic leh Nadal bakah tunlai player hmuhnawm, champion lai ni bawk Carlos Alcaraz pawh a tel dawn, mipa inelna lam chu a boruak a lian dawn hle tih a chiang der tawh.

Australian Open champion hlim Jannik Sinner pawh a tel dawn, inelna hi hard court-a khelh a nih ṭhin avangin Italian tlangval hi dah hniam a remchang dawn lo.

Hmeichhe lamah Iga Swiatek leh Elena Rybakina te bakah Aryna Sabalenka hming a lang bawk.