Hmeichhe tlan chak Fraser-Pryce a chawl dawn

Olympic champion vawi thum ngawt ni tawh Shelly-Ann Fraser-Pryce chuan 2024 Paris Olympic zawha a chawlh tur thu a puang. Kum 37 mi Fraser-Pryce hi khawvel sprinter ropui ber zinga mi a ni a, chhungkaw enkawl a duh avangin a chawl dawn.

Fraser-Pryce chuan, "Ka pasal nen hian 2008-a (Olympic gold) ka hlawhtlin hma aṭang khan kan awm dun tawh a, ka tan engkim a hlan. Anmahni zarah tun hun hi ka thleng a, tunah kan pa leh ka fapain tana ka nun ve a ṭul tawh a ni," tiin a sawi.

Kum 2017 khan Fraser-Pryce hian fapa a nei a, hemi hnu hian rawn kir lehin Jamaica tan relay-ah 2020 Olympic-ah gold medal a la. Kum 2019 khan World Championships-ah telin 100m-ah gold medal a la a, 100m-a chak thei upa ber record a siam. Kum 2022 khan 100m-ah kum 35 mi niin gold a la leh a, a record siam sa a khum leh bawk.