Home Minister-in MSL9 tip off

MSL9 khuhhawnna chu February 9, Zirtawpni khan Zarkawt Community Hall-ah neih a ni a, Mizoram home minister K. Sapdanga'n a tip off.

K. Sapdanga chuan, "Basketball inelna sang MSL hi season riat lai hlawhtling takin kan zo fel tawh a, season kuana kan thleng thei ta hi a lawmawm takzet a ni. Hetiang min hruai thlengtu club hruaitute fakawm hle. Prize money aia tam daih team enkawl nan in han hmang thei a. Basketball hmangaihtu tak tak in ni tih a chiang a ni," tiin club hruaitute a fak.

Tip off zana khuallian Mizoram Home Minister hian sponsor-tute chungah lawmthu a sawi a, tun season-a sponsor-tu Sharda University chungah a bik takin lawmthu a sawi a, MBBA hruaitute a fak tel bawk.

Tip off zan hian champion lai Khatla TBL captain Vanlalṭhazuala chuan nomawi a pe kir a. MBBA president R. Lalnunpuia'n thu a sawi bakah MBBA vice president leh BFI sr vice president ni bawk Dr Lalrinawma Hnamte-in MSL handbook a tlangzarh.