Mbappe tel loin PSG an chak

Kylian Mbappe inlan thei lo mah se Paris Saint Germain tan buaina tur a awm lo - Ligue 1 hmahruaitu hian Inrinni zan khan an mikhual Lille chu 3-1 a hnehin nomawi an hnaih chho zel.

Luis Enrique naute hi a chesual hmasa zawk chu an ni, minute rukna lekah Yusuf Yazici hmangin Lille lamin goal an nei hmasa. Mahse, Paris khawpuia inkhel an ni a, team ṭha zawk an nih bawk avangin PSG an hnufual rei lo.

Goncalo Ramos hmangin minute 10-naah si phurh an sut a, defender Alexandro-a'n anmahni lamah a tihluh bakah Randak Kolo Muani chuan hun tawp dawnah chak a nemnghet.