Haaland-a'n a hna a chhunzawm

Erling Haaland-a'n hun rei tak inhliam vanga a chawlh hnuah goal a khung leh ta. Norwegian striker hna ber chu goal khung a ni a, Everton lakah goal hnih khungin City 2-0 in an chak.

Etihad Stadium-ah Man City-in inkhel thunun mah se goal an khung lawk lo. Everton-in goal venhim hna thawkin an venghim hram hram zel.

Minute 71-naah corner kick aṭanga ball per chu Haaland zawnah a kal a, Norwegian striker hian ṭha zetin a volley goal. Haaland hian November thla hnuah goal a khung leh chauh a, City tan lawmna tham a tling.

Hun tawp dawnah counter attack aṭangin City-in an vaw let a, Haaland hian a tharum hmang ṭangkaiin minute 85-naah ṭha zetin a pet goal. Norwegian striker hi hattrick siam thei dinhmunah a ding a, mahse Kevin de Bruyne-a'n Haaland pass aia goal-a pet a thlan avangin goal hmuh tur a awm ta lo.

Pep Guardiola hote hi match zawnin vawi 10 an chak tawh a, season liam taa treble champion team hi treble champion zawn thei dinhmunah an ding.