Meghalaya lakah Mizoram chak lo

India rama cricket thuneitu sang ber Board of Control for Cricket in India (BCCI) hnuaia inelna - Ranji Trophy 2023-24 Plate Group semifinal-ah Mizoram chu Meghalaya lakah wicket rukin an chak lo.

Mizoram hian bung thar kaiin plate group semifinal hial an lut a, mahse semifinal-ah erawh tawnhriat leh sulhnu lo nei hmasa tawh Meghalaya lakah an ruh a la no zawk - season thara Elite Group nih an beiseina chu a thamral ta rih a ni.

BCCI hnuaia inelna an hmachhawn chinah Cricket Association of Mizoram (CAM) team hian zawimuangin hma a sawn ve zel, tualchhung player zingah pawh state dangte laka zahpuiawm lo leh chhuanawm tak tak an awm ta - hmasawnna tur erawh a la tam.