LPS Cup 2024-ah team 62

Aizawl District FA buatsaih LPS Cup 2024-ah entry pek hun a zo tawh a, team 62-in veng/khua inelna hi an hmachhawn dawn. Inelna hi February 20, Thawhlehni aṭangin khelh ṭan a ni dawn.

Aizawl District huamchhung tan chuah ni mah se MFA-in a phalsak angin Sialhawk, Keifang Jt VC, Thenzawl Jt VC leh Kawnpui Jt VC te pawh inelna hmachhawn tur zingah an tel.

ADFA hian LPS Cup hma hian NECS Cup a buatsaih ṭhin. NECS Cup-ah hian Ramhlun South (2013, 2014, 2018), Armed Veng (2015, 2019), Bethlehem Vengthlang (2016) leh Chhinga Veng (2017) te an champion tawh a, inelna hnuhnung ber finalist te chu Armed Veng leh Republic Veng te an ni.