Mizoram karate team che ṭha

International Okinawan Shorin-Ryu Seibukan Karate Championship 2024 neih zawh takah Mizoram team an che ṭha hle. Kerala-a inelna neihah hian Mizoram hian gold medal paruk leh silver medal pakhat an hlawh chhuak a ni.

Mizoram Karate Team hi International Okinawan Shorin-Ryu Seibukan Karate, Mizoram Branch Chief Instructor Sensei Lenghmingthanga, Champhai chuan hovin, February 15 hian Aizawl an rawn thlen beisei a ni.

All Mizoram Karate Association, Gen.Hqrs. president C. Dosavunga chuan an nauten hlawhtlinna ropui tak an chan avangin lawmawm a tih thu a sawi a, kumin March thlaa 27th AMKA State Karate Championship 2023-24 neih tur atana Karateka zawng zawngte lo inbuatsaih turin a chah bawk.

AMKA President hi Karate Association of India(KAI), Annual General Body Meeting, Haryana-a tel turin a cham mek a ni.