Marathon record siamtu a thi

Mipa marathon world record kawltu Kelvin Kiptum chu lirthei chetsualna avangin February 11, Pathianni khan a thi a, coach Gervais Hakizimana pawh a thi tel.

Kenyan long-distance runner Kiptum hian nikum khan World Marathon Majors-ah gold ṭum hnih a la a, 2023 London leh 2023 Chicago-a marathon neih a nih khan hnehna a chang ve ve. Eliud Kipchoge hnuaiah a kun ta bik lo.

Marathon-ah hian Kipchoge-a'n hun rei tak ro a rel a, nikum October thla khan Kiptum hian 42 km-a thui chu darkar hnih leh second 35-naa thlengin Kipchoge hmaa a thlen bakah world record a siam bawk.

Kenyan Sports Minister Ababu Namwamba chuan, "Kenya-in kan lunghlu danglam bik kan hloh a, sawi tur pawh ka haihchham," tiin a ui thu a sawi.

Kelvin Kiptum hi kum 24 mi a ni a, thawhrimna hmanga retheihna ngamtu infiammi hi khawvelin a chân. Inelna lian tham a hmachhawn hmasak ber, kum 2018 khan pheikhawk hawh chawpin a tlan a ni.