Brazil daltu Argentina

Mipa Olympic football tournament-ah champion lai Brazil an tel dawn lo a, an aia tel tur chu an hmelma Argentina an ni. Summer Olympics hi July 24 - August 10, 2024 hian Paris-ah neih a ni dawn.

Football inelnaah hian ram 16 an tel thei a, South America-in quota pahnih neiin Paraguay leh Argentina ten an khel ang. Olympic khel tur zawnnaah hian Paraguay, Argentina, Brazil leh Venezuela ten final an stage an khel a, a sang pahnihin South America ai awh tur a ni.

Brazil hian match hmasa berah Paraguay an hneh lo a, match hnihnaah Venezuela an hneh thung. Argentina erawhin Venezuela leh Paraguay lakah point hnih chauh an hmuh avangin Olympic khel turin chak ngei an mamawh.

Estadio Brígido Iriarte, Caracas-ah Argentina-in Luciano Gondou hmangin Brazil 1-0 in an hneh a, Javier Mascherano hote Olympic khel turin an tling.