Kubo-a'n contract a pawtsei

Takefusa Kubo chuan Real Sociedad-ah June 2029 thleng cham turin contract a pawtsei. Japanese winger hi duhtu an ṭhathnem avangin Sociedad tan an chelh thei hi chanchin lawmawm a tling.

Kum 22 mi Kubo hi Barcelona aṭanga a inzir chhuah hnuah Real Madrid-ah a kal a, Los Blancos-ah a khelh phak loh avangin Mallorca, Villarreal, Getafe leh Mallorca-ah te loan hmangin a chhuak.

Kum 2022 khan Real Sociedad hi a zawm a, Kubo hian La Liga match 54-ah goal 15 a khungsak. Tun season bikah match 19 khel tawhin goal ruk a khung tawh bawk.