Venghlui tan Bungkawn an ṭha mah mah

MSL9-ah Bungkawn LB Associates-in Venghlui VR4 chu 102 - 69 in an sawp a, Mizo hlanga khel VR4-in an ngam lo. Bungkawn erawh an khel ṭha rual hle.

Bungkawn foreinger Gregory Lee Heckstall-a'n 23 points a nei a; T. Lalhriatzela (18 pts), Lalruatkima (14) leh Lalruatpuia (10) ten an thlawp ṭha viau bawk.

Bungkawn hian bul an ṭan ṭha a, a tir lamah an intluk tawk viau. Quarter hnihnaah pawh intluktawk lai nei mah se quarter thumnaah Bungkawn an che ṭha takzet, 26-6 ngawtin an chungnung.

Fourth quarter-ah Bungkawn hi 30-22 in an chungnung leh a, a tawpah 30-22 in an chak. Bungkawn hi semifinal thleng thei tur zinga beisei an ni a, Nursery BC nen an inkhel leh dawn. Venghlui VR4 erawhin champion rinkai ni phak Zarkawt BCA an hmachhawn dawn a, hmabak a harsa dawn hle.