Zirtawpniah LPS Cup kick off dawn

Aizawl DFA buatsaih LPS Cup Kickoff chu February 16, Zirtawpni zan hian Chanmari YMA Hall-ah neih a ni dawn a, Youth Commission chairman Malsawmzuala Ralte chu khuallian a ni ang.

Inelnaah hian team 62 an tel a; February 20, Thawhlehni aṭangin khelh ṭan a ni dawn. Round hmasa pahnih hi khaw en laia khelh tur a ni a; ground pahnih 1st MAP Ground, Armed Veng leh MFA Ground, Sairang Dintharah te khelh a ni ang.

ADFA leh a thawhpui LPS chuan round 16 china inkhelh dan tur pawh an ruanhman fel tawh a, zan vawi 11 leh tlai ṭum ruk inkhel a awm dawn. Last 16 aṭangin inkhel zawng zawng hi LPS Vision chuan live-in a pe chhuak ang.

Round of 16-ah inkhel pariat awmin tlai dar 4:00 leh zan dar 8:00-ah pali ve ve, quarterfinal-ah inkhel pali awmin tlai dar 4:00 leh zan dar 8:00-ah ṭum hnih ve ve khelh a ni ang.

Inter Village Football-a inel tur team 62 hi Aizawl chhung 41, Aizawl pawn 21 leh district aṭanga sawm bik pali te an ni a. ADFA buatsaih inelnaa champion tawh team pali - Ramhlun South, Armed Veng, Bethlehem Vengthlang leh Chhinga Veng an tel kim vek bawk.