Aizawl FC-in Punjab an pan

I League club Aizawl FC-in Delhi FC hmachhawn turin nimin khan Namdhari Stadium, Punjab an pan. Delhi FC neitu hi Ranjit Bajaj a ni a, Minerva Punjab neitu ni bawkin Punjab-ah an innghat.

Aizawl FC hian hliam vangin midfielder K. Lalrinfela (Mafela) leh forward Lalrinzuala te an la hruai thei lo a, player pawimawh dang erawh an hruai thei thung.

Mizo club hian tun season-a an muala an khelh hmasak berah Delhi FC hi an hmachhawn a, 5-1 ngawtin an hneh lo. Bobi Stojkoski kaihhruaina hnuaiah Aizawl FC-in phuba lak an tum ang. AFC leh Delhi te hi February 15, Ningani chawhnu dar 2:00-ah an inkhel ang.