Third Test-ah KL Rahul tel dawn lo

India batter KL Rahul chu inhliam vangin England nen third Test an khelh hunah a inlan dawn lo. Rahul hi Visakhapatnam-a khelh second Test-ah pawh khan a inlan lo a, he inkhelah hian India an chak.

Devdutt Padikka-a'n Rahul hi a thlak dawn a, Virat Kohli pawh a la tel lo chhunzawm zel. All rounder Ravindra Jadeja pawh squad-ah a awm a, malpui hliam dinhmun a zirin playing XI-ah a tel ang.

February 15, Ningani aṭangin third Test hi Rajkot-ah khelh a ni ang. England leh India hi vawi khat ve ve an chak tawh a, tun ṭum series-ah hian Test match vawi nga an khel dawn.

India squad (third Test): Rohit Sharma (capt), Jasprit Bumrah, Yashasvi Jaiswal, Shubman Gill, Devdutt Padikkal, Rajat Patidar, Sarfaraz Khan, Dhruv Jurel (wk), KS Bharat (wk), Ravichandran Ashwin, Ravindra Jadeja, Axar Patel, Washington Sundar, Kuldeep Yadav, Mohammed Siraj, Mukesh Kumar, Akash Deep.