Silva chungah Lazio sporting director a lawm lo

Serie A club Lazio-in Manchester City legend David Silva lakluh an tumna kawngah indawrna thui tak kalpui tawh mah se Spanish midfielder-in a ngaihdan sawh sawnin Real Sociedad a zawm a, Lazio sporting director Igli Tare a lawm lo hle. 

Tare chuan, "Real Sociedad-a David Silva transfer chungchang ka lo hria a, player a nihna ang chuan zah hle mah ila a mihring mihrinna erawh zah a harsa hle," tiin kum thum chhung atana contract an zawrh Silva chu na takin a sawisel. 

Silva hian kum 2010 khan a hming chherna Valencia aṭangin City a zawm a, inelna hrang hrangah match 436 khela goal 77 khungin assist vawi 140 zet a nei. City tan Premier League (4), FA Cup (2), League Cup (5) leh FA Community Shield (3) nomawi a chawi a, a contract a hman zawh avangin a duh lam a hawi thei a ni. Spanish football-a league inelna sang ber La Liga  2020-21 season chu September 12 khian khelh ṭan a ni ang.